Pageviews all the time

Iperereza, dipolomasi na politiki:Icyemezo ndakuka cya Perezida Kagame ku gishuko karundura cya Ambasaderi w’u Rwanda mu Burundi Bwana RUGIRA Amandin cyo kugaba igitero gikomeye ku gihugu cya Tanzaniya cyari gihitanye TWAGIRAMUNGU Fawusitini mu cyumweru gishize Imana ikinga ukuboko


Fawusitini Twagiramungu
Ati: "nzabahaganya!"
Amakuru urubuga rwanyu SHIKAMA rukesha abanetsi n’abatekinitsi bakorera mu Rugwiro ku Kacyiru aremeza adahusha ko mu cyumweru gishize cyo kuva taliki 28 Mata kugera 04 Gicurasi 2014 Fawusitini TWAGIRAMUNGU yasimbutse urupfu simusiga yari yagenewe na Perezida Paul KAGAME.
Uko byangenze : Kubera ukuntu urubuga rwanyu SHIKAMA rukunzwe mu Rwanda bitewe no kwandika inkuru zicukumbuye kandi ziftiwe ibimenyetso n’amatariki bifatika byatumye abanyarwanda benshi batwizera ku buryo batwoherereza amakuru baduhamagaye, batwandikiye cyangwa bakoresheje ubundi buryo.
Amakuru ava mu bakorana na Perezida Kagame bashinzwe ubutasi aravuga ko mu cyumweru gishize, Perezida wa Tanzania yahamagaye perezida wa Leta Zunze Ubumwe z’Amerika akamubwira ko Dar Es Salaam ifite amakuru ahagije yemeza ko Kagame agiye kubagabaho igitero.
Nyakubahwa Perezida Kikwete yasobanuriye Umutegetsi w’iyi si Obama ko icyo Tanzania izira ari uko yagaragaje ko kugira ngo ibibazo by’akarere k’ibiyaga bigari birangire Kigali igomba gushyikirana na  FDLR byanze bikunze nk’umuti rukumbi w’ikibazo kuko indi yose yageragejwe bikananirana.
Perezida Obama ngo yaratangaye cyane avuga ko atabyumva niko guhita ahamagara Kagame amuha gasopo kandi amubwira ko niyibeshya agatera Tanzaniya bizagira ingaruka ku Rwanda. Kubera ko Obama azi neza ikibazo cya FDLR yabwiye Kagame kuri telefoni ko akwiye kumva icyifuzo cya TWAGIRAMUNGU Fawusitini cyo gushyikirana na FDLR kuko nta wundi muti uzaboneka.
Kagame uhorana imigambi y’ubugome muri we yahise akupa igiterefoni agikubita hasi niko guhita ahamagara Jack NZIZA na Dan MUNYUZA abategeka gutegura abasore makumyabiri kugira ngo abahe ubutumwa bukomeye. Kubera ukuntu mu Rwanda ibintu byose ari Kagame, MUNYUZA na NZIZA bihutiye kubazana ngo shebuja atabarimbura.
Abo basore bo muri SPECIAL FORCE Kagame yababwiye ko bagomba kujya i Buruseli kwica umugabo witwa Fawusitini TWAGIRAMUNGU ngo kuko ariwe urimo kumutesha umutwe agahembera igitekerezo cyo gushyikirana na FDLR ndetse abumvisha ko Rukokoma atakiriho FDLR itabona imbaraga zo gusaba imishyikirano.
Abo basore bahawe amaviza n’amafaranga menshi cyane azabafasha ku kibazo cyose bazahura nacyo mu nzira harimo n’ayo gutanga nka za ruswa ku bazabakeka amababa. Kagame yababwiye ko nibagera i Nairobi bagomba kureka kugendera mu itsinda rimwe ko ahubwo bagomba kwicamo imirwi mito kugira ngo amahanga atarabukwa bityo bamwe bakazamuka n’indege ya Ethiopian Airlines abandi bakagenda muri Kenya Always abasagutse bakagenda muri SN Brussels.
Rukokoma yarusimbutse atabigizemo uruhare
Burya iyo Imana itaragukuraho amaboko ntacyo uba! Abo basore amakuru akomeza avuga ko barimo babiri mu bigeze kurinda Rukokoma akiri Minisitiri w’intebe kuko bari bamuzi neza kugira ngo batazamuhusha. Bageze ku kibuga cy’indege i Nairobi, barumvikanye bavuga ko badashobora kwica Fawusitini TWAGIRAMUNGU kuko ari umuziranenge kandi nta cyaha na kimwe bazi yakoreye abanyarwanda.

Fawusitini Twagiramungu
Ati: "nzabahaganya!"Ariko ashobora kuzahindura izina akiyita 
Rukiramakuba, nawe se kuva muri 1994 ahigwa bukware!
Kubera ko iyo bagaruka i Kigali Kagame yari guhita abamarira ku icumu bahisemo gukomeza urugendo bagera i Buruseli bahita batwara ikibazo cyabo mu nzego zishinzwe umutekano banasobanura icyabagenzaga igihugu cy’Ububiligi gihita kibahamana kandi kibategeka kutagira igitangazamakuru na kimwe kibimenya kubera umubano w’ibihugu byombi.
Umwicanyi ruharwa ahindutse umusazi burundu
Kubera ukuntu nazobereye mu birebana n’itangamakuru n’isesengura-nyandiko n’impamvu, mpora nifuza kwandika inkuru nyinshi zitarimo ijambo Kagame ariko bikananira kubera ko ibintu byose mu Rwanda ari we! Ibintu byose Kagame yakoze mu Rwanda guhera mu 1994 nta kizima na kimwe kirimo ahubwo ni umuvumo gusa gusa!
Ikosa rya mbere yakoze ni ugukubita hasi telefoni kandi yavuganaga n’umutegetsi ukomeye nka Obama. Ikosa rya kabiri ni ukwibeshya bikabije bigera n’aho Kagame yitiranya FDLR na RUKOKOMA. Twagiramungu ni umuntu naho FDLR ni umutwe wa Politiki / wa gisirikari ushingiye ku ngengabitekerezo kandi umuntu ashobora gupfa ariko ingengabitekerezo ntaho ijya.
Urugero : Ubuse ko Kagame ariwe uyobora u Rwanda napfa n’u Rwanda ruzapfa ? Igisubizo ni Oya kuko na Habyarimana yapfuye u Rwanda rugakomeza kubaho.
Mu 1994 Amerika n’Ubugande bapfunyikiye abanyarwanda ikibiribiri  
Mu 1994 Kagame byabonekaga neza ko ariwe uzaba Perezida w’u Rwanda kandi nta gushidikanya ko Museveni wategekaga Ubugande n’ubu akaba akibuyoboye hamwe na Bill Clinton wategekaga Amerika icyo gihe babigizemo uruhare rutaziguye kuko iyo batahaba Kagame ntacyo yaricyo.
Clinton na Kagame
ese muri ibi bihuru bapangaga iki mama?
Aho si ukwirenza Ikinani!
Ubu abanyarwanda ari abaruhunze, abarurimo n’abandi batazi iyo ibintu byerekera baravuga ko babonye shitani yatuzaniye Kagame ariko tutazabona Imana izamudukiza. Mu baperezida bose babayeho ku isi Kagame niwe ufite ibyaha byinshi uhereye igihe yatangiriye urugamba rwo kuboha u Rwanda ubu akaba amaze kurujwigiriza.
Impamvu mvuze ko abanyamerika n’abaganda bapfunyikiye abanyarwanda ikibiribiri muri 1994 ni uko gutegekwa na Kagame ari ukugusha ishyano ritabonerwa ibisobanuro n’imvugo. Ibye byose ni ukwica, gufunga, kugambana, gupfusha ubusa umutungo w’igihugu awutagaguza mu ngendo zidafite icyo zunguye igihugu n’ibindi tutarondora duhora tuvuga hano.
Imana ishimwe koTwagiramungu yarusimbutse, ariko Kagame yisubireho kandi yake imbabazi Ububiligi kuko yohereje abicanyi be muri icyo gihugu. Akwiye kandi kwaka imbabazi Amerika kuko yakubise hasi telefoni arimo kuvugana na Obama ibyo bikaba ari ibintu biranga abantu b’ikinyabupfura gike n’uburere bwa gishumba na kinyeshyamba.
Ikibyimba gishobora guturika hagati ya Kagame, Jack NZIZA na Dan MUNYUZA
Nk’uko dukunda kubibandikira kenshi, ubu i Kigali ishyamba si ryeru! Kubera urukundo Kayumba akunzwe mu ngabo za Kagame byatumye Kagame asigara nta basirikari bakomeye acyizera uretse Jack NZIZA na Dan MUNYUZA.
Abicanyi ruharwa DCP Dan Munyuza hamwe na Maj Gen Jack Nziza .
Abicanyi ba Kagame batumazeho urubyaro n'urushako:Uwo w'amadarubundi ni Nziza w'Umufumbira
Undi ni Munyuza sinzi we iyo akomoka muri Uganda
Icyemezo yafashe cyo kubasaba abahungu 20 b’intarumikwa ni uko aribo yari yizeyemo ibanga rikomeye. Kagame waminuje ubugome no kuneka akimara kumenya ko abasore baheze i Buruseli yahise areba igitsure NZIZA na MUNYUZA. Bikaba ari ikibazo gikomeye kuba atangiye kureba nabi abantu bari soma mbike be.
Mu gusoza iyi nkuru ndasaba abantu mwese mugera mu Rugwiro (kuko njyewe ubu ntakihaba) gukora ibishoboka byose mukabwira Kagame kandi mukamwumvisha ko agomba guhagarika igitero kuri Tanzanya kandi akemera gushyikirana na FDLR naho naramuka abyanze u Rwanda rushobora kuzahinduka umuyonga aka wa mugani wa MAGAYANE wemeje ko nta kabuza abavantara (agatsiko ka Kagame) Umuzungu wabahaye igihugu cy’u Rwanda azakibirukanamo ku bufindo.
Nkurikije ibisobanuro maze kubaha hejuru ahangaha, nta gushidikanya ko Kagame niyibeshya agatera Tanzania, Amerika ishobora kuzamwirukana mu Rwanda maze ka gatsiko ikagashushubikanya u Rwanda rugatemba amata n’ubuki. Icyo gihe kandi Kagame ntacyo azaba yungutse kuko FDLR yanga urunuka izaba iruyoboye itanabimushimira kandi byari gushoboka ko basangira, ubutegetsi, ibyiza n’imiruho by’u Rwanda amahoro agasugira agasagamba.  

Shikama Uharanire ko ukuri gusimbura ikinyoma

BWIZA M.
shikamaye.blogspot.no
shikama ku Kuri na Demukarasi(SKUD)

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355