Pageviews all the time

KUBA PEREZIDA Paul KAGAME, RDF NA FPR BARANANIWE KURIMBURA F.D.L.R MU MYAKA 20 ISHIZE NI AMAHIRWE; NAHO KUBA F.D.L.R BIKEKWA KO NTA BUSHOBOZI IFITE BWO GUFATA UBUTEGETSI MU RWANDA IGISUBIZO GIHWITSE KANDI KINOGEYE BOSE CYASHAKIRWA MURI IBI BIBAZO BYOMBI/ UDAHEMUKA Eric

Kagame i Louanda muri Angola yakirwa na Perezida Jose Edouardo Dos Santos: Bishoboke ko Perezida Kagame yamenye ko Jacob Zouma arimo gutegura inama yo kuburizamo iraswa rya FDLR kugira ngo ibibazo by'u Rwadna birangizwe mu mahoro agatanguranwa ajya aho inama izabera kuzambya ibintu

FDLR imaze kugabwaho ibitero bigamije kuyizimanganya bitabarika, imaze kandi gukorwaho ubushakashatsi nabwo butabarika ngo harebwe uko ikibazo cyarangizwa, hari mapping report, hari Rapport Garsony, hari Enough Project, n’abandi benshi ntarondora muri aka kanya. Ubanza ihame ry’ubu buzima burya ridahinduka uwasesengura neza. Uko ikibazo cya FDLR cyumvikanaga igishingwa siko ubu kirimo kumvikana. Abantu baheranwe no kumva Kigali yemeza ko FDLR ari umutwe w’abasize barimbuye batutsi, nayo ikavuga ko muri yo harimo n’abana bavukiye mu mashyamba nyuma ya ’94.

Igimbuka ry’umwana : Imfashanyigisho nziza kubakora politiki mu Rwanda

Ibi rero bisa n’imikurire y’umwana aho agira imyaka itatu arizwa n’ubusa ariko yamara kugira imyaka 30 y’amavuko akaba azi ukuri ku by’ibanze ntakomeze kubaza ubusa. Umwana mu mikurire ye, mu gitabo cyanditswe n’umuhanga mu iyigamyitwarire (Psychologie/Psychology) witwa Sigmund Freud muganga ukomoka mu Otirishiya(Austria) yagerageje kugaragaza ibyiciro umuntu anyuramo ngo abe ashyitse. Docteur Sigmund Freud yavutse ku italiki 06 Gicurasi 1856 avukira ahitwa Moravie mu ntara yri mu butegetsi bw’ingoma ya Autriche-Hongrie kandi yari muyahudi.
Umwana aca mu byiciro birimo icyo twita  rudique(aho umwana aba yigana ibyo yifuza kuzaba namara gukura ugasanga umukobwa araheka umwanana w’insina mu mugongo bishushanya ko yifitemo ububyeyi no kuzabyara akonsa agaheka. Naho musaza we ugasanga arakora indege, arubaka inzu). Umwana kandi aca mu cyo twita âge du questionnaire (aho umwana abaza umubyeyi we ibibazo byinshi cyane).

Hari ikibazo abana bose babaza ababyeyi. Iyo mu muryango havutse umwana mushya, uwo akurikira agira atya agatungura nyina maze akamubaza ati: “Mama, umwana iyo avuka aca hehe?” Umubyeyi akamsubiza ati: “Umwana iyo avuka anyura mu mukondo!” Impamvu ababyeyi basubiza umwana gutya si uko baba bayobewe ko bamubeshye ahubwo ni uko baba babona imyaka ye itarashyikira ukuri kw’ibintu.

Umuntu rero ugize imyaka 25-30 ntaba akibaza aho umwana anyura avuka kuko ahubwo nawe aba ababyara akamenya ukuri k’ubuzima. No kuri FDLR rero ndabona ariko bimeze kuko ukuri kumaze kumenyekana. Niba Kagame avuga ati murimbure burundu, Jacob Zouma akavuga ati ndatumiza inama kuri 16 Mutarama 2015 i Louanda muri Angola yo gucyemura ikibazo mu mahoro, Kikwete ati mushyikirane,…ni ukuvuga ko ukuri kwamenyekanye.

Raporo z’ubushakashatsi zirerekana intege nke za Kagame na FPR mu gucyemura ikibazo

Impuguke mu bya gisirikali zemeza ko bidashoboka ku muryango mpuzamahanga hamwe na Kagame kurimbura burundu FDLR. Impamvu nyine bidashoboka bamwe bavuga ko ari ukubera imiterere ya RD Kongo nyamara ahubwo umuntu yanongeraho n’imbaraga z’Imana n’ihame ry’uko ukuri kutajya kuzimangatana burundu.

Mu bihe bitandukanye, Kagame yohereje ingabo ze muri RD Kongo kugeza ubu nabwo ari ku marembo ya Rubavu(Gisenyi) yiteguye kwambuka kujya kurimbura abenegihugu, nta cyo byunguye uretse kwica inzirakarengane z’abatari bakwiye gupfa kandi n’abakongomani bakabigenderamo. Kagame n’abo bakorana aho gukomeza kwanga imishyikirano, ahubwo njye mu isesengura ryanjye mbona bari bakwiye kwicara hamwe ahantu hatuje nko ku kiyaga cya Muhazi cyangwa muri Village Urugwiro ku Kacyiru bakongera bagasuzuma neza ikibazo. Bakibza impamvu bajya kurimbura abantu babigambiriye ariko kubamaraho bikananirana kandi ntako batagize.

Nk’uko Interahamwe na CDR bananiwe gutsemba burundu abatutsi muri ’94 ni na ko na Kagame, FPR na RDF badashobora kurimbura burundu abahutu 

Kubera ibibazo byinshi u Rwanda rwanyuzemo na n’ubu rukigeretse, hari abantu bamwe bazubaye ndetse n’abandi ntatinya kuvuga ko barindagiye. Mu barindagiye kandi bageze ahaga nabariramo n’abahezanguni bo mu bwoko bw’abahutu kimwe n’abahezanguni bo mu bwoko bw’abatutsi kuko hombi barimo ariko amahirwe tugira akaba ko ari bacye cyane ugereranije n’abandi banyarwanda bashyira mu gaciro.

Hari abatutsi b’abahezanguni bavuga bati: ”Abahutu muri 1994 bari bafite umugambi wo kurimbura abatutsi burundu ntibazongere kubaho ukundi”. Ibi ntabwo aribyo. Akenshi babibwira abantu b’abanyamahanga babasuye i Kigali bababeshya ngo babihere imfashanyo cyangwa bakabibwira abana b’imicuko batazi ukuri nyako ku byabereye mu gihugu. Mu ijoro ryo kuwa gatatu, taliki 06 Mata 1994 indege yarimo Perezida Habyarimana Juvenal(+) iraswa nari mfite imyaka 16 y’amavuko. Ni ukuvuga ko nari nciye akenge ku buryo ibyabaye mu Rwanda icyo gihe na nyuma yaho mbyibuka neza byose.  Sinshobora kumvikana n’umuntu uwo ariwe wese watinyuka kuvuga ko abahutu bose icyo gihe bari mu mugambi wo kurimbura abatutsi.
Nta muntu ushobora kuzimanganya ubwoko bw'Imana: Izi ni impunzi z'abahutu zarokotse ubwicanyi bwa FPR muri Zaire. Hano ziraririmba mu Misa mu itangwa ry'Ubusaseridoti muri Kongo Brazaville
Abatutsi barokokeye mu Rwanda ni uko bahishwe n’abahutu bari baturanye. Nta n’ubwo bikwiye kugarukira aho gusa. Hari n’abahutu banambye ku batutsi bigera n’aho bemera gupfana nabo. Ndatanga urugero rumwe kandi nzi ko namwe mufite ingero zitabarika ku dusozi-sozi mukomokaho. Mu Kabagali ku Buhanda hari umusaza witwaga RWABILINDA Appolinaire wari umuhutu ahisha iwe abatutsi benshi cyane interahamwe zije zimusaba ko abatanga ngo bicwe arabyanga ahitamo gupfana nabo.

Abahezanguni bo muri FPR bagitekereza batya baba bazi neza ukuri ariko bagakora ibishoboka byose ngo babone uburyo bwo gutsikamira abahutu. Twanabirebera mu mvugo zo gupfobya Jenoside yakorewe abatutsi: Uvuze ukuri wese Kigali ivuga ko apfobya. Urugero rumwe turarukura ku kuri kuvugwa muri ya Filimu Rwanda’s untold story isigaye yarahahamuye Paul Kagame n’agatsiko ke kose kuko imuvuga uko ari.

Muri iyo filimu abashakashatsi babiri aribo Prof. Stam na Prof. Christian Davenport bigisha muri Kaminuza ya Michigan muri USA bakaba baranageze mu Rwanda gukora ubushakashatsi kuri jenoside baravuga bati:“Indege ya Habyarimana iraswa, mu Rwanda hari abatutsi 550,000. Jenoside irangiye habaruwe abatutsi barokotse 350,000. FPR ivuga ko abatutsi bahitanywe na jenocide ari miliyoni bisobanuye ko FPR ari inyakinyoma kuko  abatutsi bapfuye ari 200,000 dushingiye ku mibare y’ubushakashatsi. Ubwo ni ukuvuga ko ibindi 800,000 bapfuye ari abahutu”.  
   
Hari noneho n’abahutu b’abahezanguni bemeza ko abatutsi bose nta n’umwe uvuyemo bafite umugambi mubisha wo kurimbura abahutu burundu ntihagire n’uzabara inkuru. Ibi nabyo ntabwo aribyo kuko abatutsi bose 100% ntawatinyuka kuvuga ko banga abahutu urunuka. Impamvu bitashoboka zishingiye ku mateka y’igihugu n’imibanire yabo.

Hari abatutsi bashyingiranwe n’abahutu ku buryo mu gushyira mu gaciro babahemukiye baba bikoze mu nda bagahitamo gukomeza kubana. No kuri iyi ngoma ya Paul Kagame ugaragaza byeruye ko ashaka kurimbura icyitwa umuhutu, n’imbere mu ngoma ye harimo abatutsi b’ibikomerezwa bagiye bacikisha abahutu bageze ku mwobo w’urupfu bakabahungisha ubu bakaba bariho barabyaye barororotse, ku buryo niyo Kagame yarimbura ab’imbere mu gihugu, abari imahanga bakomeza kubaho ubwo bwoko ntibuzimangane burundu.

Ibi byose ni ibimenyetso bifatika byerekana ko nta muntu kuri iyi si ufite ubushobozi bwo kuzimanganya ubwoko bw’Imana uko yagira kose. Dukwiye gutekereza akanya gato: “Kuki Nyakubahwa Perezida Jacob Zouma avuga ati ndatumiza inama ibere i Louanda twige ikibazo cya FDLR?" Ni ukubera ko Imana idashobora kwemera ko inyoko-muntu izimangana maze igakoresha abagaragu bayo nka Jacob Zouma na Jakaya Kikwete n’abandi tugiye kubona no kumva mu minsi ya vuba.

Ku bikekwa ko FDLR nta bushobozi ifite bwo gufata ubutegetsi mu Rwanda mbona bibaye ari ukuri igisubizo cyashakirwa muri icyo kibazo ubwacyo!

Kenshi abantu bajya bibeshya bagakeka ko imitwe yose y’inyeshyamba irwanya Leta z’ibihugu ikomokamo iba byanaze bikunze ishaka ubutegetsi. Ibi ndumva bitaba ihame ndakuka. Dufate urugero: Kagame iyo ategeka u Rwanda atica abaturage ngo ababuze amahwemo, FDLR ntiyari kubona urwitwazo rwo gusaba imishyikirano kuko ubu baba baratashye.

Kuri FDLR byaba ari amahirwe kuko ari inzira yo kumenya aho ikibazo kiri kandi ahari ikibazo niho hashakirwa igisubizo. Kandi ubisesenguye neza, FDLR ihagaze neza mu kibuga cya politiki kuko icyihutirwaga mbere ya byose ari ukumvikanisha imiterere y'ikibazo cy'u Rwanda mu ruhando mpuzamahanga.

Ubwo rero Jacob Zouma yinjiye mu kibazo yunganira Kikwete, n'umuryango mpuzamahanga ukwiye kwisubiraho ukumva ko agahagurukije abagabo kakabazindura burya haba hari impamvu. Mu isesengura ryanjye binabaye ngombwa kwitabaza ingufu ngo FDLR ifate ubutegetsi mu Rwanda, ntekereza ko FDLR itabura ubushobozi kuko atari wo mutwe wa politiki na gisirikari wa mbere usuzuguritse cyangwa ukennye kuri iyi si.

Byose bitangira buhoro, iyo ikibazo kimaze kumvikana neza, amafaranga yagura intwaro siyo yabura, abahutu bari hanze y'u Rwanda kandi banga urunuka FPR yabahekuye ni benshi cyane kandi bafite amafaranga ahagije n'ibitekerezo byakubaka u Rwanda ku buryo babishyize hamwe nta cyabananira. Ibi byose mvuze nagira ngo nerekane ko Kagame adakwiye gukomeza kwiyumvisha ko uko yumva ibintu ariko bigomba kugenda byanze bikunze kuko isi itarangirira i Kigali gusa.

Kandi Kagame siwe mutegetsi wa mbere kuri iyi si watangira yanga imishyikirano hanyuma bikazarangira ayemeye ndetse abo bashyikirana batanayimushima. FDLR nayo ndayishimira byimazeyo ko idashyize imbere gukangisha intambara y'amasasu n’amabombe no kurasana kuko izi neza ko abaturage babigenderamo.

Inzira yo gushyikirana nikomeze yumvikanishwe uko bishoboka kose, natwe mu itangazamakuru turakomeza kurushaho kumvikanisha iki kibazo kugeza ubwo umunsi umwe twese tuzisanga ku meza amwe tuganira ntawe uryarya undi kuko imbunda zidashobora guha igihugu igisibizo kirambye cy'amahoro. Ibi kandi biragaragarira buri wese:

Paul Kagame wafashe ubutegetsi ku mbunda muri ‘94 nimurebe aho ibibazo by’u Rwanda bimugeze! Aho ashobora kuba atagisinzira anicuza impanvu yabaye perezida w'u Rwanda!!! Mu yandi magambo icyo abantu bita ko inyeshyamba zishaka ubutegetsi ni ingaruka z’icyo izo nyeshyamba ziba zisaba nk’igisubizo ku bibazo byatewe n’ubutegetsi budashobotse zifuza ko buhinduka. Iyo ubona bidashoboka rero, umuti ni ugusaba ko hajyaho ubutegetsi bwabishobora kabone n’iyo utaba uburimo ngo nawe ugerageze urebe akaburiye mu isiza kapfa kubonekera mu isakara.

UDAHEMUKA Eric
www.shikamaye.blogspot.no/
Shikama ku Kuri na Demukarasi(SKUD)

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355