Pageviews all the time

Ndabaza: Ibyo Goodluck Jonathan wa Nigeria yatangarije BBC TV kuki atabanje kubaza ibibera mu Rwanda?/NKUSI Yozefu

Goodluck Jonathan
Mu Kiganiro umukuru wa Nigeria Goodluck Jonathan aherutse kugirana na BBC TV yabajijwemo ibibazo bitatu by’ingenzi  aribyo: Uko urugamba rwo kurwanya Boko Haram ruteye,  amatora yegereje y’umukuru w’igihugu, abaturage bamaze kugwa muri urwo rugamba.Ku byerekeye Boko Haram yatangaje ko ingabo za Nigeria zabonye ibikoresho bya gisirikare bihagije zitari zifite, naho amatora azaba ahangayemo na Jenerali Buhari wigeze nawe kuba Perezida wa Nigeria, yavuze ko yizeye kuyatsinda nta shiti. Abajijwe niba nta baturage benshi bariho bagwa ku rugamba, Perezida Goodluck yasubizanye agahinda  yerekana ko atifuzaga ko n’abagize Boko Haram bapfa kuko nabo ari abaturage ashinzwe kuyobora: « Iyo tuvuga ngo hapfuye abarwanyi bo muri Boko Haram 400, cyangwa 500 burya nabo ugomba kumenya ko ari abaturage ba Nigeria. Nta muperezida wifuza ko hari abaturage be bapfa»

 Goodluck Jonathan agomba kuba atazi ibibera mu Rwanda aho umutegetsi warwo mukuru yahinduye igihugu nk’urudandi bororeramo amatungo magufi, nyirayo afatamo iryo ashaka igihe cyose akarikinja cyangwa akarigurisha. Nta disikuru n’imwe ya Pawulo Kagame utasangamo ijambo kwica cyangwa se amagambo nyandagazi yerekana ko abaturage be bari inyuma y’amatungo magufi navuze hejuru: gusanisha abamuhunze nk’amazirantoki, ko ari amasazi azicisha inyundo, Ibigarasha bicitse, ba Rugizerute, n’ibindi ntarondoye.  Kugirango Shikama ibereke agaciro gake kari inyuma y’itungo rigufi Kagame aha abanyarwanda, mwibuke igihe yatangazaga umwaka ushize wa 2014 ko bagiye kujya barasa abanyarwanda ku manywa y’ihangu, ntibyateye kabiri uwari Meya wa Cyuve bamukorera iyicarubozo icyumweru cyose birimo no kumukona, kumuca amatwi barangije bajya guta umurambo we mu rutoki ariho amapingu batangaza ko yasahakaga gucika polisi ikamurasa!

 Uwari umuganga wihariye wa Kagame Pawulo ku ndwara ye y’umutima amaranye igihe, Dr Gasakure Emmanuel nawe aherutse kurasirwa kuri Sitasiyo ya polisi i Gikondo, umuryango we n’abanyarwanda bamubura batyo. Rwigara Assinapol wari umucuruzi ukomeye mu Rwanda akaba yaranafashije FPR kugera ku butegetsi, Leta ya Kagame yamukoreye iyicarubozo nyuma bamujugunya mu modoka ye bazana ikimodoka kinini gihonyora iye ariko kubw’amahirwe ntiyanogonoka. Abana be bamusanze akirimo umwuka basaba ko ajyanwa kwa muganga, ariko abapolisi bo barisekeraga ari nako bamuhambira mu ishashi bashyiramo abapfu kandi akiri muzima! Nguko uko abanyarwanda bataye agaciro imbere ya Pawulo Kagame ku buryo kugirango asinzire neza agomba kureba uwo yisasira. Amateka ngo ahora yisubiramo kuko na Nyirakuru Kanjongera ka Rwakagara wari nyina wa Musinga wategetse u Rwanda kugeza muri 1931 ari ko yari ameze: bavuga ko bahaga amata umwana w’uruhinja rwavaga mu banzi be akarujomba  inkota ye Ruhuga avuga ko yashonje maze akayihagurukiraho, uruhinja rwamara gupfa akishima agatuza nkuko Kagame amera iyo bamubwiye inkuru y'uko bishe urubozo uwo adashaka ko abaho! Bityo, nta gitangaza kirimo kubona Pawulo Kagame agambana, akagura ibitwaro, akarara rwa Ntambi ngo abana b’Abahutu bari mu mashyamba ya RDCongo basukweho ibisasu bapfe urwo yishe bene wabo mu nkambi muri 1996, 1998 na nyuma yaho.

Goodulack Jonathan rero agomba gukosora imvugo ye maze akavuga ko nta muperezida wishimira ko abaturage be bicwa usibye Pawulo Kagame wo mu Rwanda.

NKUSI Yozefu
shikamaye.blogspot.no
Shikama ku Kuri na Demukarasi(SKUD)

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355