Abiyita INYANGAMUGAYO za RNC baremeza ko Shikama irwanya RNC n'abategetsi bayo Kayumba Nyamwasa na Dg Rudasingwa T, ko ari Rutwitsi nka Rushyashya na Exposer ya Tom Ndahiro kandi ko bibabaje kuba ibinyamakuru nka SHIKAMA bikomeje gukwira mu banyarwanda!/NKUSI Yozefu

Dg NKUSI Yozefu

Inyandiko nasanze ku Nyenyeri News yo muri 2014 musanga aha, y'umuntu usa n'umuvugizi w'ishyaka rya Kayumba Nyamwasa na Dg Tewojene Rudasingwa ikaba yibasira umuyobozi wa Shikama Dg Nkusi Yozefu nubwo imaze igihe, muri shikama tukaba tuyibonye dutinze, ibirimo nta wabireka ngo bigende ntacyo abivuzeho. Uwanditse iyi nyandiko yasubizaga inyandiko y'umunyamakuru GATENDO wa Shikama yaciye kuri Shikama muri 2014; muri iyi nyandiko ye ndende aremeza ko Shikama ikorera Pawulo Kagame ikaba iharabika Jenerali Kayumba Nyamwasa na Dg Tewojeni Rudasingwa bategeka ishyaka rya RNC. Nkaba rero ngira ngo muri make ngire icyo mbwira uyu muvandimwe n'abamutumye ariko nkaba nsaba umunyamakuru GATENDO kuzasohora indi nyandiko irambuye kandi akoresheje amazina ye bwite nibiba ngombwa ashyireho n'ifoto ye.

Uko kubeshyuza inyandiko yakwanditsweho bikorwa

 Ni kenshi Shikama yagiye ibwira abayisoma bose ko ari uburenganzira bwabo kunyomoza inyandiko za Shikama ziba zabavuzeho cyangwa se banyomoza ibyanditswe na Shikama binyuranye n'ukundi bo babizi. Intego ya Shikama ni iyi: "Shikama uharanire ko ukuri gusimbura ikinyoma". Uku kuri duharanira rero guhabanye n'ikinyoma.  Mu gihe bakwanditseho ukaba wumva ibikuvugwaho ari ibinyoma cyangwa iharabika, utegura inyandiko y'ukuri kwawe, tukayisohora hamwe n'iyo twakwanditseho nta shiti, ibi twabivuzeho kenshi. Iyo dusanze uri mu kuri, turongera tugasohora indi nyandiko ibeshyuza ibyo twakwanditseho, kandi tukagusaba imbabazi hamwe n'abasomyi bacu, tukiyemeza ko bitazongera. Iyo dusanze turi mu kuri, nta nyandiko isaba imbabazi dusohora.Iyo utanyuzwe witabaza inkiko zo muri Norway kuko Shikama ifite aho ibarizwa n'umuyobozi wayo akaba azwi.

Ubuhezanguni uwo bwokamye ntabukira

Iyi nyandiko inyibukije umwe mu bahezanguni nagiye mpura nabo bo mu Rwanda ndetse na hano i Buraya!Muri Libya 1995, Inkotanyi zinjiye muri Ambasade yaho, hari umututsi w'umuhezanguni utarashakaga kubona ikintu kitwa umuhutu, we ariko mu buhezanguni bwe yari mwiza nka Pawulo Kagame kuko yabivugaga akanabikwereka! Uyu mugabo yabwiraga abantu ko Nkusi Yozefu amashuri yiga atezemerwa mu Rwanda kuko bamwohereje kwiga Bac akaba yishyiriyeho ayo hejuru! Akongera kandi akemeza ko tutazapfa tutabonye pasiporo y'u Rwanda, niko byagenze kuko yarindiriye ahava muri 2000 amabasade ifunzwe tugifite ibibazo, ku buryo hari umwe muri twe byabaye ngombwa ko aba umuyisilamu arongora umunyamahanga wo mu gihugu cy'Afurika ngo abone pasiporo yaho, najye wasezeye ku kazi nahembwaga amadolari 6000, inzu y'ubuntu, tike y'indege yo kujya mu biruhuko aho nshaka ku isi n'umuryango wanjye, 13e mois,  nkajya gufata 600 $ muri kaminuza y'u Rwanda, uwundi intambara yo muri 2011 yamusanzeyo kuko atari afite uko asoka dore ko yarongoye Umurundikazi ariko u Burundi nta pasiporo bwamurebeye, niba atarapfuye simbizi! Uyu mutegetsi w'ambasade yigeze kuza asanze ndi umuyobozi wungirije w'inama yari yatumiwemo n'abahagarairiye ibihugu byabo byose muri Libya yigaga ku kibazo cya Darfur, maze tugiye mu karuhuko gato (Pause) aranyihererana ati: " uriya mwanya bawuguhaye gute?". Ntiyiyumvishaga ukuntu umuntu w'umuhutu yahabwa kuyobora iriya nama mpuzamahanga yari yatumiwemo abashakashatsi bavuye hirya no hino ku isi n'ababaye abategetsi muri Afrika nka Keneth Kaunda wa Zambia n'uwigeze kuba visi perezida wa Ghana!

Iyi nyandiko musanga aha nayo, irimo ikintu gisa n'ikerekana ko urwishe ya nka rukiyirimo! Kuba hari umuhutu ucyandika muri 2016 mu gihe abandi bose biciwe aho bari barahungiye, abandi bagafungwa abasigaye bagahezwa mu mashyamaba ya RDCongo, abandi bagahimbirwa ibyaha bakaba bahora bitaba inkiko mu bihugu bahungiyemo, abandi bakaba basa n'abihishe mu myobo batinya ziriya nkota zinyuranye mvuze hejuru. Ibi nibyo nyakwigendera Pasiteri christopher Mtikila yise jenoside ikorerwa abanyabwenge b'Abahutu mu Rwanda. Muri iyi gahunda yo kuzimya Abahutu, hashyizweho Ndi umunyarwanda ivuga ko buri muhutu wese agomba kwemera ko ari umujenosideri, haza ikindi bita ingengebitekerezo ya jenoside, ibi byombi tukaba tuzi aho bigeze Abahutu bari mu Rwanda n'inyuma y'aho. Abantu benshi bemeza ko umugambi wa RNC ari nk'uwa FPR abayobozi bayo bakaba ari nabo bashinze amahame y'urukozasoni FPR igenderaho kuko ubwabo bivugiye ku maradiyo mpuzamahanga ko Kagame Pawulo atize yicururizaga agatabi(isigara) ku muhanda Mbarara-Kampala. Kuba rero aba bacurabwenge ba FPR n'abo bita Inyangamugayo za RNC bariho bavuga ko Dg  Nkusi Yozefu yandika ibintu rutwitsi nka Tom Ndahiro biratangaje, ejo bazaba noneho babigereranya n'ibya KANGURA ya Ngeze Hassan; iyi ni ya nkota Christopher Mtikila avuga. Nyiri iyi nyandiko arababazwa kuba hariho imbuga nka SHIKAMA!!? Dore uko abivuga:

"Tuzi ko imwe muri strategies za Kagame akorana n’abantu b’injiji b’abaswa cyangwa ibihubutsi abwira ikintu bagahita bagisamira hejuru batabanje gushungura; nta gushidikanya na SHIKAMA YE ishoboro kuba ari ubwo bwoko ariko byaba bibabaje abantu cyangwa ibinyamakuru nk’ibi bikomeje kwiyongera mu banyarwanda. Ni agahinda gakomeye."

Abantu bo muri RNC ya Dg Rudasingwa Tewojeni wagiye agaragaraho kwanga Abahutu urunuka kugeza aho yirukaniye umuhutukazi yari asanze muri Ambasade i Washington ngo aramunukira, na jenerali Kayumba Nyamwasa watsembye Abahutu muri Ruhengeri , Gisenyi na Byumba kugeza n'aho abamuhungiye mu buvumo bwa Musanze ategeka ko bafunga ubwinjiriro bagatikiriramo bose. Aba bagabo nibo bariho bacisha inyandiko kuri  murandasi bemeza ko ikinyamakuru SHIKAMA cyandikwa n'Abahutu, Abatutsi n'Abatwa bifuza ko ibintu byahinduka mu Rwanda, ari Rutwitsi nka Rushyashya na exposer ya Tom Ndahiro! Iyo Shikama iza kuba iyoborwa n'umuntu ufite umutima nk'uwabo yagombaga kwandika inyandiko nyishi kuri nyakwigendera Koloneli Patirike Karegeya wafatanyije n'uriya muhezanguni wakoraga muri Amabasade i Tripoli kuntesa kugeza ngejejwe muri gereza iruta izindi nkuko abanyarwanda basigaye bita igihugu cyabo! 

Nyamara Shikama yabaye iya mbere mu guhoza umuryango wa nyakwigendera, tumwandikaho inyandiko nyinshi zamagana ubugome yakorewe na Pawulo Kagame kuko nzi ko ibyo yankoreye byamubabaje kandi nkaza kubimenya, nkaba nzi ko ari umuntu wifuzaga ko Abahutu n'Abatutsi babaho mu mahoro kugeza abizize akabifungirwa ngo ntiyashoboye kwica umukobwa wa Felesiyani Kabuga yaje mu Rwanda. Si ibyo gusa kuko nkiri mu Rwanda navuganye n'abantu benshi bakoranye nawe, akaba yarabashishikarizaga kutica ku buryo nemeza ko iyo uriya mwanya yarimo uza guhabwa undi mututsi, abahutu bari kurokoka ari mbarwa; yagiraga ati:" Mujye mwishyira mu mwanya w'abandi, ibyo mutifuza ko babakorera, ntimukabibakorere". None se uyu muvandimwe wasohoye iyi nyandiko n'abamutumye baribuka ko Koloneli Karegeya ari mu bashinze iyi RNC avuga ndwanya?

Ubutaha nzagira icyo mvuga kuri izi ngingo ziri hasi aha zakuwe muri iyo nyandiko

Biracyaza

Dg NKUSI Yozefu

shikamaye.blogspot.no

Shikama Uharanire ko Ukuri gusimbura ikinyoma.

_____________________________________________________

-  1. bigaragara ko uwitwa Joseph wandika ibi bintu uretse kwiyemera avuga ko ari amakuru yizeye yahagazeho nta NEMA afite cyangwa agaragaza yo kuba yakwakira ibitekerezo by’abandi!

-    2.      Abandi bazwi cyane simbavuga kuko ni abakwe bacu kandi baracyatunze abagore bakomoka iwacu

-   3.   Ibyo shikama avuga bya scince de l’Education sibyo kuko IPN yari Ishuri rya Kaminuza ry’abarimu ariko ntiyari science de l’Education, science de l’education yabaye I Butare nyuma!

-  4.  Aya makuru SHIKAMA ivuga ko yizeye ni urukozasoni kandi ni ayo guharabika no gukururira abantu mu makuba, 

-     5  muri iyi Nyandiko ni uko Joseph wa SHIKAMA YE agenda ibinyoma bye akabigeza kuri ba General Kayumba Nyamwasa na Dr Rudasingwa Théogène ndetse na Gahima Gerard!

-  6..Ibi ni icyinyoma cyambaye ubusa ariko gishobora kuba gifite inkomoko mu kazu kwa Kagame n’agatsiko ka FPR ye kuko ubu umugambi wabo ari ugushakisha ikintu icyo aricyo cyose cyakwandagaza abantu bari muri RNC cyangwa abayishinze cyane cyane General Kayumba Nyamwasa na Dr Théogène Rudasingwa.

-          Gukururiramo Mukezamfura naho harimo amacenga mashya ariko umugambi nyamukuru ni abagabo bazwi mu ishyaka RNC ibindi bikaba kujijisha!

- 7.Inyandiko ikoranye ubuswa bwinshi yarimo amazina ibihumbi n’ibihumbagiza hariomo amazina y’abanayrwanda, abanyamahanga, amashyirahamwe, amakoperative, imiryango mpuzamahanga, imiryango itagengwa na Leta, amazina y’amahimbano za abreveations n’andi mateshwa menshi!!!

-   8.  twese tuzi ko Kagame ari umwicanyi, tuzi ko anakoresha n’abiyita abamurwanya mu kwica abandi kandi akabikorana ubuhanga buhanitse, ariko na none ntitwavuga ko Kagame ngo ashaka kwica CLIR, cyangwa Jambo News, cyangwa The Rwandan (aha ndavuga amazina y’imiryango au hazard) nka Koperative runaka wayica ute??? Ni ukwica abayirimo, ni ukuyicecekesha ni ibiki????

-  9.Tuzi ko imwe muri strategies za Kagame akorana n’abantu b’injiji b’abaswa cyangwa ibihubutsi abwira ikintu bagahita bagisamira hejuru batabanje gushungura; nta gushidikanya na SHIKAMA YE ishoboro kuba ari ubwo bwoko ariko byaba bibabaje abantu cyangwa ibinyamakuru nk’ibi bikomeje kwiyongera mu banyarwanda. Ni agahinda gakomeye.