Isomo abaturage b'intara ya Oromia yo muri Ethiopia bahaye Leta, Abanyarwanda bakwigiraho/Nkusi Yozefu

Ikarita yerekana intara ya Oromia muri Ethiopia

Intara ya Oromia ituwe na ba nyamwinshi  bo mu bwoko bwa Oromia yagiye ikandamizwa n’ingoma za ba nyamuke aribo Amahara basimbuwe na  Tigrinya ubu bari ku butegetsi. Shikama yigeze kubagezaho ibyerekeye imyigaragambyo imaze iminsi ibera muri iyi ntara ku buryo imaze guhitana amagana y’abantu , abenshi bakaba ari urubyiruko. Iyi myigaragambyo ikaba igamije kubuza Leta guha ubutaka bwo muri Oromia abashoramari b’abanyamahanga.

Kubera iyi myigaragambyo imaze hafi amezi atanu, ahenshi muri Oromia abanyeshuri muri kaminuza ndeste no mu mashuri abanza ntibabonye uko biga. Niyo mpamvu ababyeyi n’abanyeshuri basabye Leta ko yakwigizayo itariki yo gukora ibizamini birangiza amashuri yisumbuye byagombaga kuba ejo tariki ya 31/5/2016. Ubu busabe bw’abaturage bwatewe utwatsi n’ubutegetsi bwa Ethiopia butegeka ko ibizamini bibera itariki yateganyijwe nta gisibya.

Abanya Oromia bamaze kubona ko batereranywe bashatse inzira zose zo kuburizamo ikorwa rya biriya bizamini maze bakora ku buryo babona ibizamini bikurikira babisakaza ku mbuga nkoranyambaga ku cyumweru tariki ya 29/5/2016 hasigaye umunsi umwe gusa ngo ibizamini byavuzwe hejuru bikorwe; ibyo bizamini ni ibi: imibare, icyongereza n’ururimi rwa OROMO!

Leta yakozwe n’isoni ikimara kubona ibibazo n’ibisubizo byabyo ku mbuga nkoranyambaga maze yisubiraho itangaza ko ikorwa ry’ibizamini risubitswe!! Amakuru agera kuri Shikama aravuga ko Leta ya Ethiopia yari yatanze akayabo k’amafranga yaho(Birr) agera kuri miliyoni magana atatu (300,000,000 Birrs); 1USD=20Birrs).!

Ngo abishyize hamwe nta kintu kibananira, abanyarwanda nabo babishatse bahagarika ibikorwa by’ubwicanyi, ugutotezwa n’ubusahuzi bikorwa n’Agatsiko ka FPR mu Rwanda.

Imbonerahamwe yerekana ubuso bw'intara zo muri Ethiopia n'umubare w'abaturage bazituye

Name Izina	Abbr.	Status	Capital umurwa  mukuru	Area A (km²) ubuso	Population Census (C) 1994-10-11 Abaturage	Population Census (C) 2007-05-28 Abaturage	Population Projection (P) 2015-07-01 Abaturage
Ethiopia	ETH	Fed Rep	Adis Abeba	1,063,652	53,477,265	73,750,932	90,078,000
Adis Abeba [Addis Ababa]	AA	City	Adis Abeba	527	2,112,737	2,739,551	3,273,000
Afar	AF	St	Asayita	72,053	1,106,383	1,390,273	1,723,000
Amhara	AM	St	Bahir Dar	154,709	13,834,297	17,221,976	20,401,000
Benishangul-Gumuz	BE	St	Asosa	50,699	460,459	784,345	1,005,000
Dire Dawa	DD	City	Dire Dawa	1,559	251,864	341,834	440,000
Gambela	GA	St	Gambela	29,783	181,862	307,096	409,000
Harari	HA	City	Harer	334	131,139	183,415	232,000
Oromia	OR	St	Adis Abeba	284,538	18,732,525	26,993,933	33,692,000
Somali	SO	St	Jijiga	279,252	3,152,704	4,445,219	5,453,000
Tigray	TI	St	Mek'ele	84,722	3,136,267	4,316,988	5,056,000
YeDebub (SNNPR) [Southern]	SN	St	Awasa	105,476	10,377,028	14,929,548	18,276,000

Dg NKUSI Yozefu

www.shikamaye.blogspot.com

Ntawe uzaguha Demukarasi ku isahani, iraharanirwa