Pageviews all the time

Urukiko rwa Mozambique ruherutse kwanzura ko umukozi wa DMI ya Pawulo Kagame na FPR wiyitaga pasiteri yirukanwa mu itorero agahita anafungwa / Matabaro A.

                                   ikarita yerekana aho Mozambique iherereye muri Afurika

Urubuga rwanyu Shikama ntiruhwema kugenda rutegura imitego mibisha Agatsiko ka Kagame Pawulo na FPR bagenda batega impunzi ziri hirya no hino ku isi tutibagiwe n'abavandimwe bacu bari mu gihhugu imbere. Ni muri urwo rwego Shikama iherutse kubageza ho amajwi (audio)y'umukozi wa DMI uri muri Mozambique wiyita Jenerali, yigamba ubugambanyi n'ubwicanyi we na DMI akorera bagiye bapanga bagamije guhitana inzirakarengane z'abanyarwanda ziriyo, abenshi bakaba ari impunzi z'Abahutu. Mu ijwi ( audio) rya jenerali mwumvise ko akorana n'abiyita Abapasitoro, ndetse  tukaba twaragiye tubagezaho amajwi ya bamwe. Urukiko rw'i Maputo muri Mozambique ruherutse kwanzura ko bamwe mu bakozi ba DMI bari bihishe mu mwambaro w'ubupasiteri birukanwa mu itorero kubera kurivangamo politike ndetse rutegeka ko bamwe bahita bafungwa. Umunyamakuru wa Shikama uri muri Mozambique wari wakurikiranye iby'iki kibazo, yabateguriye inyanndiko iri hasi aha.

Dg Nkusi Yozefu
--------------------------------------------------------------------------------------------------------------------------

Mugire Amahoro y'Usumbabyose, Nyirigira.

Nkuko ikinyamakuru shikamaye.blogspots.com kitahwemye gutabariza abanyarwanda barengana haba mugihugu haba no hanze yacyo[urwanda],dore ko  abambari ba Kalinga baba bapanga umunsi ku wundi uburyo bakwica,bapyinagaza cg se batesha umutwe ba rubanda rugufi aho bari hose.

Nkuko twabibagejejeho mu nkuru zacu zatambutse, hano muri Mozambike rero hagabwe ibitero na DIMI ariko nyine baza bajijishije biyoberanyije ku buryo udashishoje wabanyereraho ukagwa mu rwobo rukakumira rukifunga abandi bagakomeza bakagenda bisa nkaho ntacyabaye batarabutswe!

Impunzi z’abanyarwanda muri Mozambique zaricaye ziratuza zikorera amafaranga Leta ya FPR ibibonye biyirya ahantu kuko burya ntibifuza ko hari impunzi by’umwihariko y’UMUHUTU yatera imbere,nibwo rero yohereje za DMI kuza kubasopanyiriza no kubangisha Leta ya Mozambique n’abaturage bayo.

Zimwe muri DMI zaciye mu matorero ya gikirisito zibaraba ivu rurazurungutana hasi hejuru rubura gica, izindi zica mu bacuruzi basanzwe barabatongoza barababeshya beshya ngo nibafate za passeport z’urwanda ibyangombwa by’impunzi babisubize HCR na Leta y’ino aha maze bakore nk’abanyarwanda bakorera mu mahanga bagendera kuri gahunda n’amabwiriza bya Leta ya Kigali ! Ubwo erega ba mutima muke bene Ntibazirikana baba babyemeye rugikubita ! Ni akumiro!!!!!.

Tukiri aho ,niho abacuruzi bamwe biyemeje gukorera Leta ya Kigali,abaje mu ikubitiro ni abarimo BAZIGA LOUIS wahise atorerwa kuyobora Diaspora nyarwanda muri Mozambique,VITAL alias JENERAL n‘umugore we,SAMUEL,VIANNEY ukorera ahitwa Liberdade n‘abandi benshi, !!!!
Dg Turatsinze Tewojeni DMI yamutsinze muri Mozambique

Mu ruhande rw’amatorero ya Gikirisito nkuko nabivuze hejuru naho ntibatanzwe,ahaboneka ifaranga FPR ntihatangwa,abanyantege nke bemeye gukorana na Kigali bubahiriza amabwiriza ahishe ubugome bwayo;ariko icyo nabizeza ni uko hariho abemeye kunamba bakaba bapfira impunzi nyakuri ku munsi uwo ariwo wose: Nibo rero batumye ibibazo bigera no muri Leta.Ni abo gushimirwa .Abo ni Pasiteri John Hakizimana na Bagenzi be banze ko DMI, inyuze mu itorero,yagaraguza agati  impunzi zo muri Mozamique.

Nkuko byasohotse muri bimwe mu binyamakuru bya hano nka”www.jornalnoticias.co.mz”{soma iyo nyandiko kuri aka gasomerwaho}Leta ya hano ntabwo yatereye agati  mu ryinyo ahubwo yaratabaye;umucamanza witwa" Elisa Samuel wo murukiko rwa 2 rw’iremezo rwa distrit ya Machava|"juíza Elisa Samuel, da 2.ª Secção Cível do Tribunal Judicial do Distrito da Machava, na província de Maputo aca urubanza  yanzura ko Pasiteri Kanyarushoke Jean yirukanwa mu itorero rya Reavivamento;Impamvu umucamanza yatanze ni 2 z’ingenzi:

·         1-Guhungabanya ibikorwa n‘imikorere y’itorero,no
·         2-Gushyikira ibikorwa bya Politike Bizana akajagari mu itorero.

Reka nibutse ko uwo Kanyarushoke John ari igikoresho cya DMI mu itorero hano [niwe ubakuriye]akaba afatanya bya hafi na Pasiteri HABUFITE ANTEL,Pasiteri FIACRE,Pasiteri SAMUEL,….

Nkuko kandi icyo kinyamakuru gikomeza kibivuga, bamwe mu bacuruzi bakomeye banze kuyoboka kalinga n’uburiganya bwayo ntibarara mu ngo zabo batinya ko abakozi bayo babagwa gitumo bakabarahira aho twinikaga ! Ibyo mwarabyiyumviye aho bamwe mu babahiga [Jeneral]babyigamba badategwa nta n’igihunga cyangwa ubwoba!

Ikinyamakuru cyavuzwe hajuru giherutse gutangaza inkuru yerekeye aba bakozi ba DMI muri Mozambique biyita abapasiteri cyibagiwe kuvuga ko pasiteri kanyarushoki Jean yahise afungwa ndetse kugeza ubu nandika iyi nkuru akaba agifunze; amahanga agenda atahura buhoro buhoro ikinyoma, ubugome n’ubwicanyi bya FPR. Ikindi ni uko Pasitori Tuganeyezu Diomede nawe agifunze ngo kubera iperereza ryimbitse rigikorwa. Nibutse ko uyu Diomede yafunzwe mu nkubiri ya cya kinyoma cya DMI, igihe  Baziga Louis yiburishaga( mwiyumviye mu ijwi rya Jenerali wa DMI ko yari yigaramiye muri Hoteli) ngo DMI ikunde ibigereke ku mpunzi ziri muri Mozambique.

Ambasaderi Vicent Karega uhagarariye Urwanda muri ibi bihugu by’Afurika y’amajyepfo nawe yabajijwe kuri iki kibazo asubiza yigize nyoni nyinshi ati:«Birabaje kuberako ari ikibazo kiri hagati y’abavandimwe bavuye mugihugu kimwe bakaba baba hano bakora kandi bateza imbere aho bari.»
Uyu Karega kandi yemeje ko ngo hariho impunzi zashakaga kwica Louis Baziga uhagarariye Diaspora.
Ambasaderi wa Kagame na DMI , Karega Visenti niwe ushinzwe iterabwoba rya DMI
 muri Afurika y'amajyepfo Mozambique iherereyemo
Tubibutse ko mu minsi yashize DMI yapanze itekinika ryo mu rwego rwo hejuru,uyu Louis baziga akiburisha mu minsi nk’itatu cyangwa ine nyuma y’aho akagaragara agatangaza ko hariho impunzi zari zifite gahunda yo kumwica Police ikaburizamo iyo gahunda! Kimwe mu byari bigambiriwe ni Ugushyira icyasha ku mpunzi z’abahutu ngo ni abicanyi maze Leta yazakiriye itangire izishushubikanye.

Bavandimwe,ibyo byose nta na kimwe cyaciye DMI intege,kugeza ubu nandika ruracyageretse!

Imana ishobora byose, Uhoraho, Nyirububasha akomeze arinde intama ze.

Matabaro A.
Umunyamakuru wa Shikama muri Mozambique
Ntawe uzaguha uburengenzira bwawe ku isahani, ugomba kubuharanira

9 comments:

  1. Tanga igitekerezo cyawe kuri iyi nyandiko.
    Urakoze

    ReplyDelete
  2. Mwibagiwe kudushyiriraho iyo link ngo tuyisome.

    ReplyDelete
  3. Komera Ormando,
    iyi link twayishyize mu nyandiko, ushobora kandi ongera kuyisanga hano:
    http://www.jornalnoticias.co.mz/index.php/primeiro-plano/55693-a-exercer-comercio-em-maputo-e-matola-assassinatos-e-perseguicoes-abalam-comunidade-ruandesa

    ReplyDelete
  4. Urakoze bwana Nkusi kutugezaho aya makuru yerekeye anmarorerwa abavandimwe bacu bariho bakorerwa na FPR ya Pawulo Kagame.

    ReplyDelete
    Replies
    1. Igitekerezo cyanjye ntabwo kiri bwibande kuri iyi message cyane nu ubwo gahunda yi inkotanyi ku Muhutu yaba uyikorera cg se uyirwanya ari imwe. Mperutse gusoma inkuru ya nyujijwe ku Inyange news, aho Umuhanuzi Majeshi yahamagriraga Abahutu kwishyingikiriza ku Imana kuruta kwishyingikiriza ku Bantu. ntarajya kure ikigitekerezo ni cyiza kuko kuba tugihumeka nubwo inkotanyi zitugeze aho ifundi igera ivuzo ni Imbaraga zi isumba byose. Natangajwe cyane na amagambo Umuhanuzi yakoresheje, Ubwo yabuzaga Abahutu kugenda bavugako bakorewe Genocide ngo nayo ayndikwe yemerwe na amahanga. Aha yemezaga ko nta Mututsi wigeze ahiga cg yica Umuhutu ko Abahutu bose bapfuye baguye inyuma yi igihugu bishwe nu umuvumo ngo kuko bishye Abatutsi. kuba FPR yarateye inkambi ikicya benshi bashoboka, kuba FPR yaratsembye bimwe bishoboka abaturage bari batuye mumajyaruguru,muri 90-94 kugeza bagaze kubutegetsi, nyuma bakza gukomeza kubicya mucyo bise kurwanya abacengezi, kuba FPR yaratsembye kumanywa yi ihangu Abaturage bi Igikongoro (kibeho), kwica Impunzi za ABAHUTU zari zi Ibutare zari zahungiye Iburundi nyuma Nkurunziza akaza kuzitanga nkuwigura, kwicasha abahutu inzara, nu ubundi buretwa buteye isoni, bikubiye muri yamirimo nsimbura gifungo, gufunga no kunyanyasa rubanda , cyane uwashoboye kugera mu ishuri, guhiga no kuragiza inkoni abakene nkuko Human right wacth ibitangaza, ni ibindi bibi byinshi bikorerwa Abahutu muri rusange, ibyo kuri Majeshi ngo ni imivumo kandi birakwiye ko Abahutu batavugakobari kwicwa. Mu misi yashyize Umwami yasuye Ubwongereza , ndetse umuhanuzi maejshi yabitangaje yishyimye , bigaragara ko Diplomacy yu Ubwami iri kugenda neza, ashyikirazi abantu gusenga cyane ngo Umwami atahe muri gakondo yita iyabakiranutsi, ariko ikintangaza niko asaba Abahutu gusenga bucyecye ntihagire uvugako bari guhohoterwa ngo kuko baba bishyingikirije ku bantu" Harya ABONGEREZA SI ABANTU" . Ntabwo mvuga byinshi cyane , gusa maze kubona uko byagenze muri RNC,Aho intambara yadutse hagatai yabo bitwa ko barwanya Kagame bapfa uburyo bwo kujera Abahutu, ndetse tewojeni akemezako AHO Kugirango agatsiko kA Kayumba kayobore FPR yakomeza ikatwicya uko ishyaka, nkurikije ibitekerezo bya Majeshi, aho yumvako kwica Umuhutu atari icayha ahubwo ari kwikiza ikivume, nasanze muri rusange Abatutsi bafite program imwe kuburyo bwo kubaho ku Umuhutu. Bityo na abakorana nabo babakoresha nku udukingirizo kugirango bereke amahanga ko bafitye umugambi umwe Abanyarwanda muri rusange. Ubu Kagame yategetseko Ibipindi bya Rucyagu bihagarara ahubwo Intore( Abasore ba Abatutsi bkigishwa Imbumba ni indi myitozo yagisirikre, nkimwe Abadasso bakoresha bakubita mucyicyo banyagupfa ba abakene) ibi bigambiriye kujegeja Umuhutu aho ava akagera. Ntekerezako iki aricyo Abantu bari bakwiye gutekerezaho, bakareba uburyo bumvisha bamwe mu Batutsi ko kwishyira hejuru, ubwibone no kumvako bazategeka Umuhut kugatuza bitazigera bishoboka. Natangajwe no kubona nta muntu numwe wamaganye iyo mvugo yu Umuntu witwako Akoreshwa ni Imana ahubwo usanga duta igihe kuri ba Kayumba,na Abandi ngo Leta irabahiga kandi muribo ntawe urengera inyungu yu Umuhutu uretse kumutera nka agatenesi umuntu anyuza mucyerekezo ashayka. Dukenye system nki Iyi Burundi tukagabana dukurikije uko imibare yacyu ingana. Umuhutu akabaho yumva arinzwe kandi atahohoterwa, nu Umututsi nawe akabaho yumva afite imbaraga kandi arinzwe, hakabho gukurukiza amategeko, aho gukurikiza amarangamutima yu Umuntu runaka, bamwe biyumnvamo ko ari marayika murinzi wabo abandi babona mo Dayimoni ibanyura murihumye ikabarimbura. naho ibyo kuvugako Abahutu bategetse bakagira amateka yabo, Abatutsi bategeka bati twibohoje bakandika amateka, yabo, ndetse bakagerageza guhuza no kwica abo bita abanzi babo, nyuma ukumva hari Abanyarwanda mumoko yombi batabonako iyo system ntho izatugeza , bakarya bakishyima, byi igihe gito ni ubuswa nu ubujiji bikiturimo.

      Delete
    2. Anonymous,
      Urakoze cyane ku gitekerezo cyawe cyiza kandi cyubaka.
      Ndagirango nkumenyeshe ko uwo wita Majeshi atari umuhanuzi ari umumamyi= escroc mu gifransa!!! Ibi ndabivuga mpereye ku ibarwa yanditswe n'uwahoze ari umugore we yacishije hano kuri Shikama ngo tuyitangaze, ariko kuko byagaragaye ko hari bamwe mu banyamadini y'ibyaduka Shikama yabonye ko bariho basunika ngo iyo barwa itangaze ku nyungu zabo, kandi ikaba yari irimo ubuzima bwite bw'umuryango wa Majeshi, ntabwo twayitangaje; ariko ngarutse kuri uyu Majeshi, ni escroc wuzuye, ntihakagire uwita kubyo avuga!

      Ikindi navuga ku bwicanyi n'akaga abahutu barimo kuva muri 1990, ndakeka ko amateka y'u Rwanda asobanutse. Niba hariho abumva ko bavukiye gutegeka abandi bakababera abaja, ibi bigomba gushira mu mitwe y'abatekereza gutyo! Abantu bose bavuka bareshya banapfa bakareshya ikuzimu. Nta muntu n'umwe ku isi uvukana imbuto. Umuti w'iki kibazo rero nkuko wakirondoye mu macenga akorerwa abahutu, ni ngombwa ko nabo banyura mu nzira FPR Inkotanyi yanyuzemo afata ubutegetsi mu Rugwiro, iyo nzira ikaba isobantutse!

      Delete
  5. Ndagira ngo Nsubize Anonymous mubwira ko abahanuzi nka ba Mageshi ari abakozi ba DMI butwi. Fpr izi neza ko abanyarwanda bemera ubuhanuzi bwa Magayane na Nyirabiyoro cyane. Kuva muri 2004, nibwo muri DMI bafashe umugambi wo kujya bohereza "abahanuzi b'ibinyoma" bajya birirwa baneka, ubundi bakayobya abahutu bahunze fpr bakoresheje ubuhanuzi bw'ibinyoma na propagana za DMI.

    Ikizakubwira abo bahanuzi, buri gihe bahanura ibyahise (Past/passé). Urugero: nahanuye ko indege ya Kinani izagwa biraba, mpanura ko hagiye gutera intambara y'abacengezi biraba, nahanuye ikurwaho rya Bizimungu biraba, intambara ya 2 ya congo,etc. Mbese arabanza akakwereka icyo nakwita experience ye muri make akubwira ibyo yananuye byahise mu nkuru ndende ziteye agahind zuzuye amabengeza (ari naho benshi bagwira mu mutego).

    Ariko aho bipfira ni uko iyo bahanuye ibizaba (future), nta nakimwe kiba! urugero: urwanda nirusubira muri congo bwa 3 niho Kagame azavaho mu gitero kizamugarukana, ubundi ngo kagame ntazarenza 2015, ubundi ngo Adolphe niwe uzica Nkurunziza, Ngo Papa nashingura ikirenge i Bugande kazahita kaba mu Rwanda n'ibindi byinshi bitajya bisohoza na rimwe.

    Ikiza ni uko abenshi bamaze kuvumburwa, ariko na none ntawamenya umubare w'abo bamaze kwisasira muri iryo neka ryabo. Ngayo ng'uko.

    ReplyDelete
  6. Urakoze Manzi,

    Nkurikije amakuru mfite kuri uyu munyamurenge Majeshi, ngo we n'uwitwa Nsabagasani bagiye inama yo gushakisha ikintu ngo cyazatuma bamenyekana cyane!iki kintu babonye ngo ni uguhanura! Ariko hari abantu benshi bafata amagambo y'aba bamamyi nk'ukuri cyane cyane abahutu!

    Abo bemera aya manjwe babiterwa no kudashishoza ngo bigire ku mateka. Kuki batibaza impamvu Imana ituma abantu ba FPR, bahoze mu gisirikare cyayo cy'abicanyi gusa? Kuki iyo mana itajya ituma Abahutu? Kuki iyo mana abo itumye bahanura politike gusa, ntihagire uhanura ku nzara zugarije u rwanda? Kuki ntawe uhanura ku bwicanyi FPR na Kagame bakora buri munsi mu gihugu, mu Burundi na RDCongo?

    Aho ubuhanuzi bwabo bujya gupfira, ni uko bazanamo na wawundi wiyita Umwami, Ndahindurwa bavuga ko azima ingoma mu Rwanda!!Ha hahahaha! Niba uyu Ndahindurwa atimye ingoma ku butegetsi bwa kagame, aribwira ko umuhungu we azamusimbura akaba ariho ayima???!!

    Muri make, aba biyita abahanuzi bose mubashyire mu gatebo kamwe ni abesikoro baba batumwe na FPR ngo barangaze ABAHUTU boye gutekereza ku nzira zishoboka zo kwibohora ingoyi bashyizwemo n'Agatsiko.

    Twemera ko habaho Imana imwe, Imana y'i Rwanda, yewe twmeraga n'abo bazungu batarazana izabo. Iyi Mana ntabwo ireba ku butoni, abahutu, abatwa n'abatutsi barareshya imbere yayo! Ntawe ugomba kubeshyera Imana rero ko yavuze ibi n'ibi, ko Kanaka agomba kwima kuko yavutse gutya! UMUNTU UMWE, ijwi rimwe mu matora( one man one vote) ngayo amahame dukwiye kwimakaza mu mitwe yacu no mu ngo zacu, tukagendera kure za baringa z'ubuhanuzi!

    ReplyDelete
  7. Ngarutse ku nkuru nyamukuru yo muri Mozambique, nkimara kuyisoma nahise nibuka ibiheruka kuba ku mpunzi zo muri Zambia mpita mbona y'uko abahutu hari ikintu cy'ingenzi babura baba abari mu rwanda, ariko cyane cyane abitwa ko bahunze ubwicanyi bw'inkotanyi banyanyagiye hirya no hino ku isi, ariko cyane cyane muri Africa.

    Icyo kintu nta Kindi, ni icyo nita "UBWENGE KAMERE BWO KWIRWANAHO", cg "Instict de survie/survival instinct. Ikindi kubera iyozabwonko Kalinga yabakoreye imyaka n'imyaka, ikintu kindi nakwita "KURWANIRIRA UBWOKO BWABO, ISOKO GAKONDO YABO", " bien etre de leur identite socio-ethnique/welfare of their socio-ethnic family, identity" ntacyo bagira, ntibanacyumva.

    Muri rusange ibyo bintu uko ari 2 ntibibarangwaho ariko cyane cyane icya mbere. Kuko nta kundi kuntu wasobanura ko impunzi z'abahutu zirenze 20 000 zimaze imyaka irenga 20 muri zambia na Mozambique na za Malawi izo, ariko nyuma y'iyo myaka yose, group nto y'intore zitarenze abantu 20 z'abacivils bavanze n'abicanyi b'abasilikare (1/1000!!!!)zatumwe na DMI ziza zikabinjirira,zikabakwiza imwishwaro, zikabacamo ibice,bagatahwa n'ubwoba, zikabahindisha umushyitsi, zigatangira kubagambanira, kubafungisha no kwica umwe umwe, zikirirwa zibyigamba ku mugaragaro, bazumva,bazi izo ari zo, bazi aho ziba,aho zinywera,bazi ibyitso byazo byose, etc...hanyuma ubundi bakirirwa bavuza iya bahanda ngo amahanga nabatabare (nk'aho barinze bagera iyo yose ayo "Mahanga" atabaruzi!

    Iyo bigenze gutyo rero njye ikibazo sinkibona kuri izo ntore ngo mbone ko ari ibitangaza kubwo kuba zibasha gutesha umutwe imbaga ingana ityo, ikibazo ahubwo nkibona mu mitwe y'abo bahutu b'impunzi kuko ku bwanjye mbona ko na n'ubu batarumva neza umwanzi wabo uwo ari we, ntibarumva ikibazo bafite icyo ari cyo n'impamvu mu by'ukuri bahunze.

    Kuko bakabaye barabyumvise neza, izo ntore ziza zitazi ibyo bihugu, zitazi abayobozi babyo, mbese muri make zihaje bwa mbere, ntizakaje aho Zambia, Malawi, Mozambique ngo zinahamare n'icyumweru kimwe zitarakwirwa imishwaro.
    Impunzi zakamenye mu by'ukuri ikibazo zifite, Leta ya FPR ntiyakabashije no gufungura Ambassade muri Zambia ndabarahiye!

    Ibyo ndabivugira ko mu by'ukuri ahantu umaze imyaka 20, ucuruza, ufite amafaranga, uziranye n'abanyabubasha b'icyo gihugu, uzi indimi zabo,uzi imico yabo,bakuzi, bazi akamaro ubafitiye, bakwibonamo... Ntiwansobarurira ukuntu intore 20 ziza zigakora ibyo narondoye hejuru kandi bigashoboka zitanahamaze n'umwaka!!!!

    Ni gute umuntu w'intore yaza agusanga aho n'iyo myaka yose uhamaze, n'inararibonye ryaho ufite (nk'uko maze kubirondora), ikirenzeho noneho ukaba uzi ko neza ko nta kindi kimuzanye kitari ukukugirira nabi, warangiza ukamwihorera mpaka akugejeje aho hose?????

    Kuba bigera aho bishoboka rero ubwo bivuze ko nyir'ukubikorerwa ari we uba ufite ikibazo. (nzabigarukaho ku nkuru irambuye nzanyuza hano kuri shikama)

    Icyo nakwivugira nsoza ni ukwibariza izo mpunzi, niba byarajyaga gushoboka ko Leta ya Kinani ijya muri Uganda cg Burundi cg Congo igacengera impunzi z'abatutsi zari zarahungiyeyo, ikazicamo ibice, ikigarurira zimwe muri zo ikaziha mission yo kugambanira izindi, ikazitera ubwoba, ikajya mu bategetsi b'ibyo bihugu ikazigambanira...mbese ikazitesha umurongo n'ibindi bibi byose nk'uko twirirwa tubona FPR na DMI babikora????? Ese byajyaga gushobokera leta ya Kinani cg Kayibanda? Niba ari Yego nagira impunzi inama yo kwikomereza ibyo zirimo. Niba kandi ari OYA, ubwo nyine impunzi nizibaze impamvu bitajyaga gushoboka, niziyibona, ubwo nazo zizamenya icyo gukora.

    ReplyDelete

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355